ഉപ്പ്‌

നബിത നാരായണൻ, വടശ്ശേരി

പണ്ട്‌ കടൽ വെള്ളത്തിൽ നിന്നും
ഉപ്പു കുറുക്കി 
ഗാന്ധിജി ചരിത്രം കുറിച്ചു....
ഇന്ന്‌....
കണ്ണീരിൽ നിന്ന്‌
ഉപ്പ്‌ കുറുക്കി 
ഞാനും.......

പുസ്തക പ്രകാശനം

കണ്ണൂർ ജില്ലാ കവിമണ്ഡലം പയ്യന്നൂർ മേഖലാ രക്ഷാധികാരി ശ്രീ. ഉണ്ണികൃഷ്ണൻ നമ്പീശന്റെ “അകക്കണ്ണാൽ കാണുന്നത്‌” എന്ന കവിതാ സമാഹാരത്തിന്റെ പ്രകാശനം 2013 നവമ്പർ 23, ശനിയാഴ്ച വൈകുന്നേരം 3 മണിക്ക്‌ പയ്യന്നൂർ "ടോപ്‌ഫോം" ഓഡിറ്റോറിയത്തിൽ വച്ച്‌ നടക്കുന്നു.  ഡോ.കെ.എച്ച്.സുബ്രഹ്മണ്യൻ (മുൻ റജിസ്ത്രാർ, കണ്ണൂർ യുനിവെഴ്സിറ്റി) ശ്രീ. കെ.വി.നമ്പ്യാർക്ക്‌ ( IAS   മുൻ ചെയർമാൻ, ഗുരുവായൂർ ദേവസ്വം) ആദ്യ പ്രതി നല്കിക്കൊണ്ട്‌ പ്രകാശന കർമം നിർവഹിക്കുന്നു.

തിരിച്ചറിവ്‌

       തീർത്ഥ. കെ., കാഞ്ഞിലേരി








കത്തി പണിയുമീ കൊല്ലനറിവുണ്ടോ ?

ചുടുരക്തത്തിൻ മണമതിനുണ്ടെന്ന്‌,
സ്വർണാഭരണങ്ങൾ പണിയുമീ തട്ടാനറിവുണ്ടോ ?
ചാലയിലെ ഗ്യാസ്‌ ദുരന്തത്തിൽ
ആ നവദമ്പതികളുണ്ടെന്ന്‌,
പാത്രങ്ങൾ തപ്പും നാടോടിക്കറിവുണ്ടോ ?
സ്റ്റീൽ ബോംബാണതിലുള്ളതെന്ന്‌
ഈ അറിവുകളെ തിരിച്ചറിവാക്കുവാൻ
എഴുതിത്തുടങ്ങവെ, ഞാൻ തിരിച്ചറിഞ്ഞു
എൻ പേനയിൽ മഷിയില്ലെന്ന്‌ !

കേശവതീരം

കേശവതീരത്തുവച്ച്‌ നടത്തിയ കണ്ണൂർ ജില്ലാ കവിമണ്ഡലം കേമ്പിന്റെ ചില ദൃശ്യങ്ങൾ

കണ്ണൂര്‍ സയന്‍സ് പാര്‍ക്ക് ഓഡിട്ടോരിയത്തില്‍ ജില്ലാ കവിമണ്ഡലം ഡി.വിനയചന്ദ്രന്‍ പുരസ്കാരം പ്രസസ്ത കവി മണമ്പൂര്‍രാജന്‍ ബാബുവിന്ന് സമര്‍പ്പിക്കുന്ന ചടങ്ങില്‍ നിന്നുമുള്ള ചില ദൃശ്യങ്ങള്‍

ka

ഒരു സങ്കല്‍പ്പം ----സതീശന്‍ഇരിട്ടി

കരയാനെനിക്കിനിയാവില്ല നിശ്ചയം 
ചിരിക്കും മരണംവരെ ചിരിച്ചേ മരിക്കൂ ഞാന്‍ ; ഓര്‍ക്കുവാനാവില്ലിനി നിശ്ചയം 
പിന്‍പേപോയ ഭൂതകാലത്തിന്‍ 
നിഴല്‍ നാടക രംഗങ്ങളെ .

നഷ്ട സ്വപ്‌നങ്ങള്‍ കിള്ളിപ്പുറത്തിട്ടവക്കുമേല്‍ 
കണ്ണീരുവീഴ്ത്തി ക്കാലം കഴിക്കാനാവില്ലിനി 
വ്യര്‍ത്ഥ ബോധത്തിന്‍ നീളും 
പാതക്കുമീതേ പാദം 
തേച്ചു തേച്ചാത്മാവിനെക്കൊല്ലുവാനാവില്ലിനി !

ശൂന്യതനിഴല്‍വീഴ്ത്തുമാത്മാവില്‍ 
സന്തോഷത്തിന്‍ 
കുങ്കുമപ്പൂക്കള്‍ കൊണ്ടുനിറക്കാം --
സ്നേഹത്തിന്റെ ആവണിപ്പൂക്കളായിരം ചാര്‍ത്താം 

ചോരയും നീരുംവറ്റി 
ച്ചാരുതചോര്‍ന്നേതീരും ഋതുക്കള്‍ വരും 
വന്നുപോകുമീ താഴ്വാരത്തില്‍ 
വേഴാബല്‍ കണക്കുനാം കേഴുന്നു 
തിരിച്ചിനി വരില്ലാകാലം 
പോയ സുന്ദര വിഭാതങ്ങള്‍ !